السلام عليكم
ازيكوووووووووووووا
بصوا بقي..استحملوني شوية في اللي انا حقولوا دة ويارب مبقاش تقيلة عليكوا
--------
معظم الشعب المصري بيرتكب جريمة كبيرة
جريمة لا يعاقب عليها القانون
جريمة من غير أدوات ولا مكان ولا زمان
لأنها ببساطة بتحصل في كل حتة وفي كل وقت
هي
عدم احترام الوقت
بجد دي مشكلة فظيعة في الشعب المصري وتعتبر جريمة
ناس كتييييييييييييييير مش عارفة يعني إيه وقت ضايع
مش حاسة بأهمية الوقت
كل دقيقة
كل ثانية
كل لحظة بيضيعوها ليا قيمة
وهما مش حاسين بيها للأسف
يا جماعة لازم نتغير بجد
اضربلكوا مثل بسيط
لما بروح الكلية
يبقي دكتور كبير ملو هدومه كدة ومحترم
يتأخر
دة يبقي اسمه إيه
وياريت بيتأخر 5 دقايق ..عشر دقايق
ربع ساعة يا سيدي
لااااااا..دة بالنص ساعة والساعة
وساعات بالساعة ونص كمان
بكلمكوا بجد والله
ويجي في الآخر بقول المحاضرة ملغية
لا يا راجل ؟
بعد إيه بقي
بعد ماضيعولنا وقتنا
ويجوا في الآخر يقولونا انتوا بتضيعوا وقت انتوا جيل منيل بستين نيلة
كل واحد يبص لنفسه لو سمحت
شوفوا إيه اللي بيخلينا كدة
لما الدكتور أو المدرس مش بيحترمني ومش بيحترم وقتي
أنا احترمه ليه
ولا عشان أنا الطالب وهو المعلم
اقصد احترام الوقت مش حاجة تانية لأني لازم احترم أي حد أكبر مني طبعاً
اقصد برضه إن هو مش بيحترم وقتي ...يبقي لما انا لو جيت متأخرة ميكلمنيش بقي
صح ولا إيه يا جماعة
بجد دي حاجة فظيعة وبتغظيني وتستفززززني جدا جدا
بستغرب أول لما الاقي الدكتور أو المدرس يتأخر ولما حد يجي يعديه يقوله:
اتأخرت ليييييييييييييييييييييه ؟؟!!!!!!!!!!!!!!!!!!!!!
مثال تاني بسيط جدا برضه
الناس في الشوارع بتمشي ببطء فظيع
دة مش مشي اساساً
دول ولا مؤاخذة يعني في اللفظ "بيتمختروا"
وخصوصاً البنات ..
فظاع
إييييييه دة
دي السلحفة غلبتهم
انا منهم (أو منهن:)) وبشوف الكلام دة كل يوم
المهم المهم ...سيبكوا من السلاحف دلوقتي
أنا يا جماعة عايزة اوصّل الكلام دة لأكبرعدد من الناس
لازم نحترم الوقت
لازم نكون متحضّرين
انا بحاول بقدر الإمكان استفاد من وقتي وربنا يقدّرني واستفاد اكتر
ومش معني كدة اننا نكون علي طول ماسكين الكتاب ونذاكر ومفيش اي تسلية أو راحة في النص
لا طبعاً
بس بقدر الإمكان نحاول نستفيد
وقتنا دة حنتسأل عليه يوم القيامة
قالَ حبيبي رسولُ اللهِ صلى اللهُ عليهِ وسلمَ: "لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ جسدِه فيما أبْلاهُ وعنْ مالهِ مِنْ أيْنَ أخذهُ وفيما أنْفَقَهُ وعنْ عِلمِهِ ماذا عَمِلَ بهِ".
يا رب تكونوا فهمتوني وأكون قدرت اوصّل حاجة
سلااااااااااااااااام

:D :D