السلام عليكم

أنا زعلانة منكم علي فكرة

كدة مجيتوش تتطلوا علي المدونة بتاعتي بعد الإمتحانات وكدة ومرديتوش عليا في البوست اللي فات

مفيش غير سمسم اللي ردت

حتي تعرفوا جبت كام في الثانوية العامية دي

أنا جبت الحمد لله 96 % من غير مستوي رفيع و 97 % بالمستوي

وجبت الحمد لله لائق في إختبار الفنون بس ملهاش لازمة عشان أنا صرفت نظر عن فنون جميلة

وناوية إن شاء الله علي كلية الآداب قسم إنجليزي

وبالمرة يللا

النهاردة عيد ميلادي

إيه رأيكوا في المناسبات دي

كملت 17 سنة

ياااااااااااااااه عجوزة أوي

يللا كفاية كدة وخللي الكلام عن الكلية في بوست تاني

سلام

السلااااااااااااااااااام عليكم
أنا جيييييييييييييييييييت
من تحت الأنقاض مي تحييكم

(أصل إحنا بنعمل عَمرة ههههههههه
ماما أما صدقت أني خلصت ثانوية عامية ..عندها حق والله دة أنا كنت قارفاهم )

و أكيد حتقولوا يااااااااه إنتي لسة فاكرة

معلش أصل الأيام اللي فاتت دي من بعد ماخلصت علي طول يوم 1-7

مكنش ليا نفس أدخل المدونة خااالص -معلش -
كنت عايزة أنطلق
أساساً مكنتش مصدقة إني اخدت الإجازة وإن أنا مواراييش حاجة ولا دروس ولا نيلة
لدرجة إن لما حد يقوللي حنخرج يوم كذا أفكر ..هو أنا عندي درس اليوم دة ؟؟؟
لسة مش متعودة
يااااااااااااااااه دي كانت أيام فظيعة


أشهد أن لا إله إلا الله وأن محمد رسول الله
الحمد لله إني لسة عايشة
آه والله
انتوا أكيد سمعتوا عن اللي حصل في أيام الإمتحانات
حالات إغماء
إمتحانات تعجيزية
إنتحار
تمزيق ورق الإجابة
تسريب-بس الحمد لله مش عندنا في اسكندرية-
و ماخفي كان أعظم

بس الحمد لله الحمد لله أنا ادبي في المرحلتين
يعني متعبتش أيام الإمتحانات
وهي طلعت حلوة الحمد لله -دة بالنسبة للأدبي - في المرحلتين
أما العلمي أو اللي كان علمي وحول أدبي....فلا تعليق
الله يكون في عونهم بجد والله

بس مانكرش إني تعبت برضه أيام الإمتحانات واديتها عياط في بعض الأيام
بس الحمد لله عدييييييييت
وأنا دلوقتي في إنتظار النتيجة
يا تري حجيب كام ؟؟!!
حزيد ولا حقل ؟؟؟
أنا الحمد لله بجد والله بحمد ربنا جااااااامد إني جبت في سنة تانية 96%
أما أشوف بقي السنة دي
وربنا وحده يعلم أنا تعبت اد إيه
واللي حجيبه حرضي بيه لأني عملت اللي عليا

وعلي فكرة أنا عايزة آخد رأيكوا في موضوع بس بعدين
أكيد انتوا عارفينه
الكلية طبعاً


(مش عارفة ليه حاسة إن البوست دة ممل )

المهم
عايزة أقولكوا والله انتوا كلكوا وحشتوني ووحشني كلامكوا وردودكوا
ومعلش إني طولت أوي في كتابة بوست جديد بس أنا منسيتكوش والله
وخلاص بقي بقيت زيكوا وحدخل كلية إن شاء الله

يللا سلام