أول تاجين في حياتي التدوينية

السلام عليكم وعليكن

مع إني مليش في السياسة خااااااااالص ..التاج الأولاني دة يعتبر سياسي

طيب أنا مش مذاكرة أعمل إيه؟

يللا ..ربنا يقدرني.. بس الزمن اد ايه؟

-----------------

تاج خالتو فرنسا هانم

من عاشقة الفردوس

---------
دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
الحمامة (حمامة السلام يعني)

----------
كنت تفضل الدخول مستقل او تتبع حزب معين ؟؟؟؟
مستقلة طبعاً..احنا بتوع الإستقلال

------------

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟
لا طبعاً

لا حزب وطني ولا غيره

-----------------------
ايه اول حاجه هتعملها لنفسك ولاسرتك ؟؟؟؟؟

اعمل فرن عيش بلدي واجيب لاسرتي العيش كل يوم الصبح

ههههههه

-------------------
ايه المشروع اللى ناوى تعمله لاهل دايرتك ؟؟؟؟ دون ذكر اسم الدائره ان اردت

أي مشروعات صغيرة مفيدة

ومستشفي سرطان الأطفال تووو2

---------------------

قعدت فى المجلس جنب نائب مميز . من هو النائب ؟؟؟
نائب مين..معرفش نواب أنا ..خليني في حالي

-----------------
قدمت سؤال للحكومه ايه هو السؤال ؟؟؟؟؟

بتجيبوا العيش إزاي؟

------------------
طلب احاطه موضوعه ايه ؟؟؟ وبتقدمه لمين ؟؟؟؟

لأي حد أقوله الطفلة اللي استشهدت علي الحدود دي ذنبها إيه؟؟

-----------------
استجواب لاتنين من الوزراء موضوعه ايه ؟؟؟؟وبتستجوب مين ؟؟؟؟
وزير التعليم أولهم

ووزير الإعلام

ومعلش كمان وزير الصحة و..الداخلية و..الصناعة

اقولههم ارحمووونااا بقي
-----------------

هل انت مع الخصخصه ؟؟؟؟؟؟

لا

---------------
هل انت مع قطع العلاقه مع اسرائيل ؟؟؟؟؟
ودي عايزة سؤال..طبعا آه

--------------

هل تؤيد الحرب على العراق ؟؟؟؟؟؟؟؟
وهي دي برضه عايزة سؤال ..أكيد لأ

---------------

هل تؤيد مرور الامريكان فى القناه ؟؟؟؟

امممم..لا بلاش الناس دي مش ضامنينهم

------------------
هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟
مؤامرة إيه؟؟

أنا معرفش مؤامرات

دانا غلببببااااان..ة

طيب فرنسا هانم عارفينها ..مين ام دابوه؟؟

--------------

بتمرر التاج ده لمين ؟؟؟؟؟؟؟؟

اللي مجاوبهوش من اللي حطاهم في "تخيلات تانية" خاصة:

أنين الحزن

نيجرو

فتوح ابو المفاتيح

شيمي (أكيد مش حتعبرني)

ومنمنMy Hopes

سندريللا

أمواج

أمير الهدوء

مفيش فايدة ..نور
أي حد بيقرا وعايز يجاوبه

-------------------------------------------------

تاج خـــالو أحمد الصباغ

من عاشقة الفردوس برضه

----------------------
هل توافق على حذف خانة الديانة من البطاقة الشخصية ؟
لا طبعاً حذفها حيعمل مشاكل كتير احنا في غني عنها ومش ناقصين

----------

ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟
ناس زي دول المفروض يتعزلوا عن الناس أصلاً وميختلطوش بيهم وهما يا مرضي نفسيين معذورين ومحتاجين رعاية وإرشاد يا فاسدين وبُعاد عن الدين

وأكيد مش حرية شخصية إلا في حالة المرضي النفسيين لأن دة ضد اسلامنا وحتي لو دين تاني

ولا أعترف بهم والحمد لله مليش أصدقاء مثليين طبعاً

--------------
هل تعتقد بوجود إضطهاد للمسيحين فى مصر ؟

لا خالص بالعكس

--------------------
من هو الشخص الذى تختارة لرئاسة مصر؟
شخص فاهم هه..فاهم..ويتقي ربه ويبقي حبّوب كدة من شعبه ..
يعني أنا كان نفسي أعيش أيام جمال عبد الناصر

--------------

فى رأيك الشخصى .. ما هى أفضل مدونة على بلوجر قمت بزيارتها ؟
امممممم..كل اللي علي اليمين في المفضلة عندي حلوين طبعاً وإلا مكنتش ضفتهم لكن أنين الحزن ..مش عايزة كلام..خفة دم تلاقي ..أسلوب حلو تلاقي

ومُنمُن My Hopes وصانعة الأحلام وكله والله

--------------

للإناث فقط : هل توافقين على الزواج من رجل مطلق ؟

والله ...معرفش

--------------
اذا تزوجت وأنجبت ولدين وبنتين .. أى الأسماء تحب أن تسمى
شهد أو رؤي و ياسمين

و

يوسف ومازن

(لغاية ما تظهر أسماء جديدة ههههه)

---------------

هل تعتقد أن توريث الحكم فى مصر . . سيتم فعلا أم لا ؟
الله أعلم بس أعتقد آه وأتمني لا..مش متخيلة حد تاني خارج عيلة مبارك رئيس مصر

----------

فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟

مكتبة اسكندرية

المترو مع إني عمري ماركبته بس أكيد مفيد

امممممممم..مش فاكرة تاني

والأسوأ

أنا حقول عامة

الشوارع مزفتة طبعاً

رغيف العيش ..

نظام التعليم المتخلف

البطالة

الغلااااااااااااااااء

-----------

ثم لمن تمرر هذا التاج ؟

زي التاج اللي فوق

اللي مجاوبهوش من اللي حطاهم في "تخيلات تانية" خاصة:

أنين الحزن
نيجرو
فتوح ابو المفاتيح
..شيمي (أكيد مش حتعبرني برضه)
ومنمنMy Hopes
سندريللا
أمواج
أمير الهدوء
مفيش فايدة ..نور

أي حد بيقرا وعايز يجاوبه

هاه النتيجة امتي بقي؟؟

و

س

ل

ا

م