غنيناالحلم العربي
الضمير العربي
اتعاطفنا معاهم
بكينا
طيب..
وبعدين..
-----
دة القول
طب والفعل؟
-------
أكيد حتقولولي طيب حنعمل إيه؟
مقدرش أقولكوا
لأني نفسي مش عارفة
-------
يعني أنا بتفرج علي كليب الأغنية(الضمير العربي)
وحنفية نزلت من المناظرالمؤلمة
كلمة مؤلمة متكفيش وصف اللي شفتوا
-------
بجد مقدرتش استحمل
ليه؟؟
ليه فيه شر كدة في الدنيا؟؟
-------
وقعدت اقول في نفسي :
طيب أنا في ايدي إيه اعمله
لكني مش لاقية إجابة
هل يكفي التعاطف معهم بس؟
ماظنش..
وارجع أقول تاني طيب في ايدي إيه اعمله
وارجع لنفس المشكلة
وادووور في دائرة مفرغة
---------
.gif)
30 Comments:
March 11, 2008 4:54 AM
حسبنا الله ونعم الوكيل
قدامك الدعاء ياميويه
والتبرع ان امكنك وربنا يتقبل والتمسك بالدين اهم حاجه
والله المستعان
جاوبي اللي انتي عايزاه يامي احنا بنسهل العمليه اوي
شوفتي احسن من الثانوي ازاي
:)))))
March 11, 2008 9:04 AM
March 11, 2008 2:00 PM
تصدقى يا ميوية...انا سئلت نفسى السؤال ده لما كنت بتفرج على الاوبريت ده وكمان قولت اننا اتعاطفنا كده المره اللى فاتت ف الحلم العربى بس برضو مفيش حاجة اتعملت
بس المفروض الحكومات العربية هى اللى ترد علينا ويقولو هيعملو ايه
وزى ماقالت عاشقة الفردوس وردها ده ابلغ رد
تحياتى ليكى
تقبلى مرورى
March 11, 2008 7:39 PM
أنا مش هازوّد على كلام عاشقة الفردوس حاجة
1- التمسك بالدين
2- الإيمان بالقضية
3- الدعاء
4- التبرع
March 11, 2008 7:48 PM
ميويه
عامله ايه
انا كمان مش عايزة اقولك انا لما اتفرجت عليه وجعتني جامد
احنا مفيش حاجه نقدر نعملها غير اننا نقول يارب
سلاموووووووووووز .. وزة
March 11, 2008 11:52 PM
إحنا زي الريشه في عالم الاشواك
!!!!!!!!!!!!!!!!
March 12, 2008 3:54 AM
جزاكى الله خيرا على حسن الطرح
وفعلا عودتنا لربنا وتمسكنا بمنهج الاسلام وسنة نبينا سيكون سببا فى نصرة أخواننا مادام أننا أصبحنا سجناء فى بلادنا ولا نستطيع تقديم شئ لأخواننا
أدعوكى لزيارة مدونتى آفاق الإسلام فلنبحر سويا
http://islamic-horizon.blogspot.com/
March 12, 2008 4:44 AM
بجد اول مره ادخل هنا والبوست فعلا كلامه فى الصميم لكن حكايه انك عندك 16 سنه بجد عايز اقولك انى اتفجات ؟
بس كويس فى مواهب جايه
March 12, 2008 11:16 PM
انا مش سهل عليا البكا
بس بكيت لما شفت الفيديو ده بحرقة
هو ده بس اللى احنا فالحين فيه
نغنى و ننوح و نعيط
بس هما بيقولوا ماتت قلوب الناس
هى قلوب الناس اللى ماتت
ولا قلوب الحكام؟
March 12, 2008 11:52 PM
واضح ان اغنية الضمير العربى مأثرة فى الكل
طيب
انا ماتفرجتش عليها
اما بالنسبة لتعملى ايه
عندى اقتراح
فى حنب كل مدونة
"لماذا نكره اسرائيل"
"why do we hate israel"
وتحتها كلام او صور
اللى لاحظتهاان كل الغربيين عموما
بيأيدو اسرائيل
و بالذات اللى فى سننا
واذا الواحد كلمهم
تبقى مشكلة
المهم فيه موضوع جديد مستنيك
ملحوظة:انا كتبتته قبلك بكتيييييير
راجعى الارشيف
تحية
ثانوية
March 13, 2008 12:02 AM
عاشقة الفردوس
إزيك عاملة إيه؟؟
فعلاً الظاهر إني مش قدامي غير الدعاء
وجزاكِ الله خيراً علي النصائح الجميييييييلة دي
نورتي
March 13, 2008 12:03 AM
مستجدة
منورة تقريباً دي أول مرة تشرفيني
بس أنا أعرفك قبل كدة
بس حكومات العربية إيه اللي ترد؟؟
هي الحكومات العربية فايقة؟؟
حسبي لله ونعم الوكيل
نوورتي
March 13, 2008 12:06 AM
نيجرو
شكرا برضه علي النصائح الجميلة وبالنسبة للتمسك بالدين ..الحمد لله
والإيمان بالقضية ..الحمد لله مؤمنين
وبندعيلهم وحندعيلهم
وربنا يقدرنا علي التبرع إن شاء الله
March 13, 2008 12:08 AM
أنين الحزن
الحمد لله ياوزة ..إنت عاملة إيه؟
منورة
هو فعلاً الكليب يخللي اللي قلبه حجر يتحرك والله بجد أنا كنت مش قادرة بجد كنت عايزة أصرخ وأنا قاعدة وأقول حرررااااااااااااام
كفاااااااااااية
March 13, 2008 12:08 AM
أمير الهدوء
أصغر تعليق وأبلغ تعليق
شكرا جزيلاً
شرفت يا أحمد
March 13, 2008 12:10 AM
عمر المصري
حسبنا الله
وشكراً جزيلاً علي ردك
وربنا يوفقك في تطوير مدونتك الرائعة آفاق الإسلام
March 13, 2008 12:13 AM
صوت من مصر
أنا متشكرة جداً علي الكلام المحفز والتشجيع الحلو
شرفت والله
متحرمناش من زياراتك الأخري
March 13, 2008 12:16 AM
جيداء
زي ماقلت الكليب مؤلم جداً ويخللي أي حد يبكي
والتعاطف معاهم والغنا من أجلهم مش عيب
لكن لازم يكون فيه قول مع فعل
وعندك حق ..وزي ماقلت لمستجدة
الحكام والحكومات العربية مش فايقين
منورة والله يا جيداءو متحرمنيش من زيارتك الجميلة تاني
March 13, 2008 12:19 AM
جيداء بقوللك إيه
جميلة الصورة اللي مكتوب عليها
Proud to be a muslim girl
بستأذنك آخدها
أخدتها خلاص
هههههههه
March 13, 2008 12:26 AM
واد غلبان
أنا نفسي أسأل غربي سؤال
انت مبتشوفش اللي بتعمله اسرائيل في الأطفال والنساء والشيوخ ؟
نفسي اعرف رده إيه
و ممكن تقوللي اسم الموضوع أو تحط الرابط
معلش؟؟لو مفيهاش إزعاج اصلي مش لاقياه
شرفت
March 13, 2008 12:32 PM
March 13, 2008 12:34 PM
السلام عليكم
الى الان اسالك الدعاء فهو سلاحا لا يستهان به والله المستعان
يقول الشافعى رحمه الله
اتهزء بالدعاء وتزدريه
وما تدرى بما فعل الدعاء
سهام الليل لا تخطىء ولكن
لها امد وللامد انقضاء
يلا بقى سلاااااااام
بس متنسيش تدعى:)
March 13, 2008 6:42 PM
أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/
March 13, 2008 9:18 PM
محمد
جزاك الله خيراً
فعلاً الدعاء أقوي سلاح
وشكراً علي تذكرتك لنا بقول الشافعي
شرفت المدونة
March 13, 2008 9:20 PM
امين سر
شكرا علي الدعوة لكن أنا دخلت علي الموقع ..للأسف مش بيكمل تحميل مش عارفة ليه؟؟؟
وشرفت المدونة
March 13, 2008 10:31 PM
مع إني ما سمعتش الضمير العربي دي و لا مرة
يمكن لأن الضمير العربي ميت أساسا
بس أنا برضه مش عارف نعمل ايه
أيامها عملوا مظاهرات بس مش مقتنع بيها برضه
متهيأ لي
March 14, 2008 1:50 AM
عندك حق
March 14, 2008 8:48 PM
أقول لحضرتك ؟
أولا : زعلنا وغضبنا مطلوب
واكيد حضرتك عارفة قصة العبد الصالح الذي بدأ الله به العذاب !!!
لأنه رآى حرمات الله تنتهك ولم يغضب قط
هذا الإيمان لازم يكون موجود
وعلامته :
ثانيا : الاهتمام
ومتابعة أخبار فلسطين والعراق والمسلمين
كيف ندعي أننا نهتم ونحن لا نتابع ؟ ولا نعرف ؟
ثالثا : ممكن حضرتك تكوني شفتي أغنية الضمير العربي
لكن آلاف الشباب المسلم مشافهاش
ناهيك عن الغرب أصلا
أمال دول بيشوفوا ايه ؟
بيشوفوا الإعلام الغربي اللي بيصور الإسلام على أنه إرهاب وبيصور الفلسطينيين على أنهم قتلة وإرهابيين ، وفي نفس الوقت يطمس على صور الشهداء الأطفال ..الخ
ودورنا هنا إننا ننشر ونفضحهم ، لأنه بإعلامنا المضاد الناس هتعرف وهنكون رأي عام ، وهتزيد بقية الأدوار
رابعا : الدعاء
"لا يرد القضاء إلا الدعاء"
خامسا : إننا نشارك المستضعفين دول في جهادهم ونكون عايشين معاه .. ازاي ؟
بفلوسنا .. ربنا جعل التبرع بالمال جهاد في سبيله
خامسا : المقاطعة
من الغريب إننا نزعل عليهم ، ونمول قتلتهم في نفس الوقت !!
سادسا : الابتكار
طول الوقت نحاول نبتكر وسائل لمساندتهم ونشر قضيتهم :
أغنية زي الضمير العربي .. مسرحية .. قصة .. قصيدة .. مظاهرة .. مجلة .. مدونة .. الخ
ربنا يتقبل منك
March 15, 2008 10:23 PM
September 28, 2008 12:58 AM
timmy
الجمعاوي الأصيل
خبيب
أنا آسفة جداً علي التأخير في الرد
وأنا بحييك يا خبيب علي ردك اللي بيدل إنك فاهم فعلاً وبتعرف تلاقي حلول للمشاكل بجد رائع
ونورتوا المدونة والله وآسفة كمان مرة
Post a Comment