السلام عليكم
كنت اتفرجت قبل كام يوم كدة علي برنامج اوبرا وينفري أكيد كلكوا عارفينه
وكانت الحلقة عن الإختراعات البسيطة والمشروعات الصغيرة وغيرها
المهم إن كان بينهم واحد وزوجته وبناته عملوا مشروع عبارة عن محل للآيس كريم (عشقي الأول)
اسمه
Cold Stone Creamery
وبيحكي إنه في الأول مكانش بيكسب كتير وكان ساعات بيكسب أقل من 6 دولار في اليوم
أما دلوقتي فبيكسبوا ملايين وليهم أكتر من 1400 محل في العالم
تجربة تانية لواحد عامل محل كبير للعلب بجميع اشكالها هو مش للعلب بس هو أي حاجة يتحط فيها حاجة
اسمه
The Container Store
يعني شوفوا بساطة الأفكار
المهم..أنا عايزة أقول إن ليه احنا منعملش زيهم
ماهما أكيد برضه في يوم فكروا يعملوا مشروع وماكنوش يحلموا أو يتخيلوا إنه يبقي مشهور ويكسب
ملايين
أكيد كل واحد فكر ولو مرة في حكاية المشرعات الصغيرة دي أو أي حاجة ممكن تغير حياته بجد
مجرد فكرة بس ممكن تعملك نقلة كبيرة في حياتك
واوعي في اللحظة دي تستهين بفكرتك وتقول يعني أنا حعمل إيه يعني استحالة ابقي زيهم
ولو حد قالك عن فكرة مشروع صغيرأرجووووك شجعه لأنه في اللحظة دي بيبقي محتاج حد يقوله كلمة
تزود حماسه وتخليه ياخد الموضوع بجد ومش مجرد تخيل
لكن خللي بالك انك متستغرقش في حلمك من غير ماتبدأ تشغل ايديك
ارسم حلمك علي لوحة الواقع
تخيل النتائج بعد كدة
تخيل نفسك بعد كام سنة حاجة تانية
وتقول ياااااااااا دة أنا عمري ماكنت اتصور إني ممكن أوصل لكدة
تخيل
تخيل...مش عيب
لأن التخيل والحلم هو أول الطريق
.gif)
10 Comments:
February 23, 2008 7:14 PM
مبروك عالبلوج سبوت ولو انها متأخره
احب اقهديلك أغنيه
لو بطلنا نحلم نموت
February 23, 2008 7:40 PM
و احلم معانا بالمستحيل
بجد انا حبيت الافكار دي ما تييجي يا مي نعمل مشروع كدة صغنون على قدنا
February 24, 2008 10:05 PM
موضوع جميل يامي
طريقتك حلوة موت
ربنا يوفقك في حياتك
وعند حق في كل كلمة
وانا من انصار هذة الفكرة
شكرا علي زيارتك ليا ويارب تتكر
ونبقي اصحاب
سلام
مني
February 24, 2008 11:52 PM
على فكره موضوع جامد موووووووت وينفع طبعا مع واحده عبقريه فذه فظيع مريعه زيى
لا بجد كلامك صح يابنتى والله الواحد لازم يشغل مخو ولازم يتخيل ويفكر ويلاقى حد يشجعه
February 24, 2008 11:55 PM
و الله لسه في خير في البلد يا جدعان
بجد عجبتيني يا مي
لسه صوغننة و عندك الأفكار دي
BRAVO
بس الأحلام اللي زي دي لازم تبقى أحلام مدروسة
مش مجرد أحلام و بس
يعني مثلاً واحد جاتله فكرة برنامج كومبيوتر معين.. يبقى خلاص كلها سنة و يمسك ادارة شركة ميكروسوفت
لأ.. الحلم في الحالة اللي انت بتتكلمي فيها اسمه طموح
و الطموح شيء قابل انه يتحقق لإنه يبقى محسوبة خطواته كويس
معلش رغيت كتير.. بس كلامك فتح نفسي للكلام
ربنا يوفقك
February 25, 2008 3:14 PM
ميويه الحلوه
ايه العسل ده
بجد تدوينه عسوله
وفعلا مصر والعرب كلهم محتاجين للمشروعات الصغيره
عسوله يامي
February 25, 2008 7:54 PM
نور
الله يبارك فيك بس متأخرة ليه؟؟
وشكراً علي الأغنية
-------------------------------
صانعة الأحلام
والله يا صانعة انا مستعدة إن شاالله عربية كشري
--------------------
my hopes
شكرا اوي علي التشجيع الحلو وأنا بجد مبسوطة أوي بصداقتك
-----------------
فتافيت
هههههههههه عسل
------------------
نيجرو
شكرا بس أنا مش صغننة أوي يعني ولما يمكن من نسبة لكم
بس تشجيعك حلو ودة مش جديد عليك
وأنا مقصدتش إن اللي يحلم بحاجة يحققها علي طول كدة لأ أنا قصدي أول خطوة وهي الحلم وبعد كدة التنفيذ والإصرار علي التنفيذ دة بدليل إني قولت إن بتوع محل الآيس كريم دول مكانوش بيكسبوا غير 6 دولار في اليوم وأقل كمان لكن هما اصروا وكان عنهم عزيمة ودة اللي اقصده
وارغي براحتك خاااااالص المدونة مدونتك :)هههههه
-----------------------
عاشقة الفردوس
انتي اللي عسولة والله شكرا علي زيارتك الحلوة للمدونة
February 25, 2008 7:56 PM
جزاكم الله خير جميعاً
والله شجعتوني أوي
وياريت تكرروا زيارتكم
February 26, 2008 12:10 AM
تخيل آخر الطريق
إبداإبني الاساس
هما عمله كده
لكن لو نظرتي قدامك
يبقى مش هتعملي حاجه
وطبعا لازم الإخلاص في النيه
بجد بوست هااااااااااااااااايل
كلامك جميل ومرتب وافكاره واضحه
تحياتي
:)
February 27, 2008 11:36 PM
ممكن نتخيل الكلام ده فى امريكا لكن مصر
جربى تفتحى اى محل وهتلاقى ضرائب الدخل ضرائب المبيعات ضرائب العقارات محاضر اشغال الطريق عشان اليافطة
تامينات اجتماعية
رشاوى للبلديه
كان مافيش حد غيرك فتح محل او مشروع صغير
وفى الاخر تتمنى تدفعى اللى وراكى واللى قدامك عشان تسيبى المشروع ده ان فضل حاجة من الاساس
Post a Comment